கண்ணீர் இருப்பில்லை.............

அலைகடலே

உன் கரையில் விளையாடியது குற்றமென

பிஞ்சுகளின்

உயிரோடு விளையாடிவிட்டாய்.

உன் மடியில்

வலை வீசியது குற்றமென

மீனவர்களின்

உயிரை விலை பேசிவிட்டாய் .

குழந்தைகளை பிரித்து

பெற்றோர்களை அனாதயாக்கினாய்

பெற்றோரை பிரித்து

குழந்தைகளை அனாதயாக்கினாய்.

இன்னும்

யாரை பிரிக்க

அலை அலையாய்

அலைந்துகொண்டு இருக்கிறாய்?

இங்கு இறப்பதற்கு

இன்னும் தான் மிச்சம்மிருக்கிறோம்

இறந்த பின் சிந்துவதற்கு

கண்ணீர் தான் இருப்பில்லை…